ღამის საათებში გადაადგილებაზე შეზღუდვის მოხსნას ჩვენი ცენტრი ამ ეტაპზე რეკომენდაციას ვერ გაუწევს, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
„ქვეყანაში, ეპიდსიტუაცია სტაბილური არ არის და გაუარესების ტენდენცია გვაქვს, კომენდანტის საათი მობილობის შემცირების ერთ-ერთი იარაღია. ამიტომ, ამ ეტაპზე ეს არ განიხილება. ევროპის ქვეყნებში კომენდანტის საათი დააწესეს 18:00 საათიდან. ჩვენ ვსაუბრობდით, რომ მარტის შუა რიცხვებში როგორი ეპიდსიტუაციაც გვქონდა, ასე თუ გაგრძელდებოდა, მაშინ განვიხილავდით კომენდანტის საათის შემცირებას, მაგრამ ამ ეტაპზე ეს ვერ მოხდება“, – განაცხადა ამირან გამყრელიძემ.
ქვეყნის მასშტაბით გადაადგილება 21:00-დან 05:00 საათამდეა აკრძალული.
