საყდრისის გადასარჩენად კარვების აქცია იწყება

 საყდრისის გადარჩენის საზოგადოებრივი კომიტეტი 14 აპრილს კარვების აქციას იწყებს.

“საყდრისის, უძველესი ქართული კულტურული ძეგლის გადასარჩენად პროტესტის ამგვარ ფორმაში გადაზრდა გამოიწვია იმ მოთხოვნების შეუსრულებლობამ, რომლითაც საყდრისის გადარჩენის კომიტეტმა 31 მარტს წერილობით და საჯაროდ მიმართა პრემიერ-მინისტრს, პრეზიდენტს და პარლამენტის თავმჯდომარეს. კომიტეტმა პასუხი მხოლოდ პრეზიდენტის ადმინისტრაციისგან მიიღო”, – ნათქვამია საყდრისის გადასარჩენის საზოგადოებრივი კომიტეტის განცხადებაში.

მათი მოთხოვნებია: დაუყოვნებლივ მოხდეს არქეოლოგების შეშვება ობიექტზე და მოხდეს ძეგლის ამჟამინდელი მდგომარეობის ასახვა და მონიტორინგი; ჩატარდეს სანდო და კვალიფიციური კვლევა; ვიდრე არ ჩამოყალიბდება და გასაჯაროვდება საბოლოო, კვალიფიციური, სანდო დასკვნა, ობიექტზე არ გაგრძელდეს სამუშაოები. საყდრისის უძველესი ოქროს მაღაროს გადასარჩენად აქცია პერმანენტული იქნება. 14 აპრილს თბილისიდან გასვლის დრო და დეტალები მოგვიანებით გახდება ცნობილი.

11.04.14