ფეხბურთში მსოფლიო ჩემპიონატთან დაკავშირებით ”თბილისი თაიმსი” ტოტალიზატორებში არსებული მდგომარეობით, მომსახურებებითა და სიახლეებით დაინტერესდა. როგორც აღმოჩნდა, ტოტალიზატორების წარმომადგენელთა უმრავლესობა დიდად არ წყალობს ჟურნალისტებს და დუმილს ამჯობინებს. ”თბილისი თაიმსის” გამოკითხული ტოტალიზატორები კი მსოფლიო ჩემპიონატის პერიდში გაზრდილ მომართვიანობასა და დაგეგმილ სიახლეებზე საუბრობენ.
გამოკითხული 5 ტოტალიზატორის შედეგები ასე გამოიყურება:
ევროპაბეთი: ”ჩემპიონატის დაწყებისთანავე მომართვიანობა, რა თქმა უნდა, საგრძნობლად გაიზარდა რაც პარალელურად აისახა ტოტალიზატორის ფინანსურ მდგომარეობაზე, ჩემპიონატის განმავლობაში ველოდებით, რომ კიდევ უფრო გაიზრდება მომხმარებლების რაოდენობა. ევროპაბეთს აქვს ასევე ონალაინ ტოტალიზატორი, რომელიც ძალიან დიდი პოპულარობით სარგებლობს. კონკურენცია ზოგადად ბაზარზე ძალიან მაღალია. ჩვენი მომსახურებით ძირითადად მამაკაცები სარგებლობენ, 18 წლის ზევით, ქალბატონები ნაკლებად. რაც შეეხება სიახლეებს, ჩვენ მუდვივად ვთავაზობთ მომხმარებელს სხვადასხვა სახის სიახლეებს და მსოფლიო ჩემპიონატის პერიოდშიც შევთავაზებთ, 25 ივნისს კი იგეგმება გათამაშება სადაც გათამაშდება 2 მილიონი ლარი, საგზურები და ა.შ.”
ლიდერბეთი: ”რა თქმა უნდა, მსოფლიო ჩემპიონატის პერიოდში მომართვიანობა ძალიან გაიზარდა, შესაბამისად გაიზარდა ტოტალიზატორის ფინანსური მდგომარეობა. ლიდერბეთის ონალინ ტოტალიზატორი ძალიან დიდი პოპულარობით სარგებლობს. კონკურენცია ძალიან მაღალია ბაზარზე, 18 წლის ზევით ყველა ასაკის მომხმარებელი თამაშობს ტოტალიზატორს, განურჩევლად სქესისა. ლიდერბეთს მსოფლიო ჩემპიონატის განმავლობასი აქვს PR აქციები ქუჩასი, უფასო ლუდით, ცოცხალი მუსკით.”
ვივარობეთი: ”მსოფლიო ჩემპიონატის პერიოდში მომხმარებელთა რაოდენობა ძალიან გაიზარდა და ამან ტოტალიზატორის ფინანსურ მდგომარეობაზეც იმოქმედა. მინიმალური თანხა, რომლითაც კლიენტს შეუძლია ითამაშოს არის 25 თეთრი, მაქსიმალური კი არ არის განსაზღვრული, ყოფილა შემთხვევა, რომ 35 ლარით ადამიანს 40 ათასი მოეგოს. ვივარობეთს აქვს ონალინ ტოტალიზატორიც, რომელიც ასევე ძალიან პოპულარულია. ჩვენი მომხმარებლების 10%-ს ქალბატონები შეადგენენ, მოთამაშეთა უმრავლესობა კი 18-დან 30 წლამდე ასაკის მამაკაცები არიან. ტოტალიზატორების ბაზარი საქართველოში ძალიან კონკურენტულია. კონკურენცია ბაზარზე ძალიან დიდია. ვივარობეთი ამ სეზონზე მომხმარებლებს ონლაინ ფსონების გაკეთების საშუალებას მისცემს.”
კრისტალბეთი: ” ჩვენ მხოლოდ ონლაინ მომსახურებას ვთავაზობთ მომხმარებლებს, რომელიც ძალიან დიდი პოპულარობით სარგებლობს, რა თქმა უნდა, ჩემპიონატის პერიოდში მომხმარებელთა რაოდენობა გაიზარდა, რაც აისახა ფინანსებზეც. მომხმარებელს 20 თეთრიდან შეუძლია თამაშის დაწყება. ჩვენი მომხმარებლები არიან როგორც ქალაბტონები, ასევე მამაკაცებიც. კონკურენცია ძალიან მაღალია.”
გეოგრანდი: ”მსოფლიო ჩემპიონატის განამვლობაში საშუალოდ გაიზარდა მომხმარებელთა რაოდენობა, თუმცა ეს განსაკუთრებულად არ ასახულა ტოტალიზატორის ფინანსურ მდგომარეობაზე. მინიმალური თანხა, რითაც კლიენტს შეუძლია თამაში დაიწყოს არის 50 თეთრი, მაქსიმალური კი არ არის განსაზღვრული, თუმცა, როგორც წესი, ჩვენთან ძალიან დიდ თანხას არ ჩამოდიან. გვაქვს ონლაინ მომსახურებაც, რომელიც საკმაო პოპულარულობით სარგებლობს. ბაზარზე კონკურენცია ძალიან მაღალია, ჩვენი მომხმარებლები ძირითადად 18 წელს გადაცილებული მამაკაცები არიან. გეოგრანდში მსოფლიო ჩემპიონატის განმავლობაში სიახლეები არ იგეგმება.”
20.06.14
ნინა პირტახია
