ქართული ელიტის პოეტები – “წმინდა ილია მართლის (ჭავჭავაძე) გაზეთ “ივერიის” სახელობის პროზა-პოეზიის პრემია – ლიტერატურული პრემია “ივერია” გამოვლინდება 2014 წლის დეკემბერში.
აღნიშნული პროექტი ხორციელდება, სრულიად საქართველოს კათოლიკოს პატრიარქის, ცხუმ-აფხაზეთისა და ბიჭვინთის მიტროპოლიტის, უწმინდესი და უნეტარესის, ილია II ლოცვა კურთხევით.
პროექტის შინაარსი წარმოადგენს, ქართული და საქართველოში მცხოვრები სხვადასხვა ეროვნებების პროზა-პოეზიის, ხატწერის, ნახატებისა და ფოტოხელოვნების, მათ შორის საქართველოში მოღვაწე უცხოელი დიპლომატების შემოქმედების პოპულარიზაცია გახლავთ. პროექტში ყოველ თვე მონაწილეობას მიიღებს ერთი განსაკუთრებული შესაძლებლობების ადამიანები (შეზღუდული შესაძლებლობების მქონე პირი), ერთი მსჯავრდებული (პატიმრები) ერთი სასულეირო პირი და სხვა ოთხი (ჩვეულებრივი) პოეტი.
აღნიშნული პროექტი ითვალისწინებს განსაკუთრებული შესაძლებლობების ადამიანების (შეზღუდული შესაძლებლობების მქონე პირი) და მსჯავრდებული (პატიმრები) ადამიანების რესოციალიზაცია-ადაპტაციას, საზოგადოებისთვის მათ გაცნობას და ცხოვრების შემდგომ მოტივაციას, სახელმწიფოს სასარგებლოდ, მათი სოციალური პრობლემების მოგვარებაში დახმარებას სხვა ცნობილი პოეტებისა და მწერლების ხელოვანების და საზოგადო მოღვაწეთა დახმარებით. ასევე, პროექტში, ყოველ თვე, ჩართულია ერთი ქართველი კლასიკოსის ლექსები.
ყოველ პოეტურ საღამოს გაალამაზებს მონაწილე პოეტებისა და მწერლების შემოქმედება მათივე წაკითხული პროზა-პოეზია და ხატმწერების, მხატვრების, ფოტოხელოვნების შემოქმედება – გამოფენა, მათ შორის, რა თქმა უნდა, ამ სფეროში მოღვაწე შეზღუდული შესაძლებლობების მქონე პიროვნებები და მსჯავრდებულები.
ღონისძიებაში ასევე მონაწილეობს ქართული ესტრადისა და ფოლკლორის თანამედროვე წარმომადგენლები. შემოსული მასალები – შემოქმედება, იბეჭდება ჟურნალ “ქართულ ელიტაში”, შემდეგ კვარტალურ წიგნში და საბოლოოდ, 2014 წლის დეკემბერში, წელიწადეულ გამოცემაში – წიგნში, ავტორთა ბიოგრაფიებთან ერთად. სულ, ერთი წლის მანძილზე, მონაწილე იქნება 12 ხატმწერი, 12 მხატვარი, 12 ფოტოხელოვანი, 84 პოეტი-მწერალი. გამოიცემა კვარტალური წიგნი, სადაც შევა 21 პოეტი-მწერალი, 3 ხატმწერი, 3 მხატვარი, 3 ფოტოხელოვანი. წელიწადეულ კრებულებში კი შევა 12 ქართველი კლასიკოსის შემოქმედება. პროექტის ფარგლებში 2014 წლის დეკემბრის ბოლოს, გამოვლინდებიან ილია მართლის (ჭავჭავაძის) გაზეთ “ივერიის” სახელობის პროზა-პოეზიის პრემია – “ივერიის” პრემიის ლაურიატები, 10 სხვადასხვა ნომინაციაში.
აღნიშნულ ღონისძიებაზე, ყოველ თვე, ვიწვევთ 7 პოეტს, რომლებიც საკუთარ შემოქმედებას კითხულობენ დამსწრე საზოგადოების წინაშე, ასევე 1 ხატმწერს, 1 მხატვარს და 1 ფოტოხელოვანს, რომელთა ნამუშევართა (შვიდ-შვიდი) გამოფენაც ეწყობა და მოკლედ საუბრობენ საკუთარ შემოქმედებაზე.
აღნიშნული ღონისძიების მერვე ტური გაიმართება, საგურამოში ილია ჭავჭავაძის სახლ-მუზეუმში, 27 ივნის პარასკევს საღამოს 19:00 საათზე.
საღამოს მონაწილეობით გაალამაზებენ მგალობელთა გუნდი; მომღერალი მარინა კოლხიდაშვილი და ქართული ცეკვის ანსამბლი “სამა”. მონაწილე პოეტები: ლევან ფანჩვიძე, ცირა ანთია, მამა იოსებ ხოხონიშვილი, ცირა ვეფხვაძე, თენგო ხუციშვილი, ციური მესხიშვილი, ასმათ მაჭავარიანი. მხატვარი შალვა მამასახლისი; ფოტოხელოვანი ვანო ფირცხელაური; ხატმწერი მანანა ჯამელაშვილი.
26.06.14
