საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ინფორმაციით, 2013 წლის 6 მაისის მდგომარეობით პატიმრობისა და თავისუფლების აღკვეთის დაწესებულებებში განთავსებული იყო სულ 10114 ბრალდებული/მსჯავრდებული, რაც 2012 წლის 6 მაისის მაჩვენებელთან (23656) შედარებით შემცირდა 13542 (57.2%-ით) ერთეულით.
2013 წლის 2, 3, 4, 5 და 6 მაისის „ამნისტიის შესახებ“ საქართველოს კანონის შესაბამისად სამინისტროს ინფორმაციით პატიმრობისა და თავისუფლების აღკვეთის დაწესებულებებიდან საპატიმრო სასჯელისაგან გათავისუფლდა 13 ბრალდებული/მსჯავრდებული.
ამნისტიის შედეგად საქართველოს ტერიტორიაზე არსებული პატიმრობისა და თავისუფლების აღკვეთის დაწესებულებები დატოვა სულ 8625-მა ბრალდებულმა/მსჯავრდებულმა, მათ შორის 175-მა პოლიტპატიმარმა, 408 მდედრობითი სქესის სრულწლოვანმა (№2 დაწესებულება – 5, №3 დაწესებულება – 4, №5 დაწესებულება – 399) და 25-მა მამრობითი სქესის არასრულწლოვანმა (№8 დაწესებულება – 6, №11 დაწესებულება – 12, №17 დაწესებულება – 6, №18 დაწესებულება – 1) ბრალდებულმა/მსჯავრდებულმა.
07.05.13
