დღეს საქართველოს მეცნიერებათა ეროვნულ აკადემიაში, აკადემიის პრეზიდენტმა, აკადემიკოსმა გიორგი კვესიტაძემ პრესკონფერენცია გამართა, სადაც ქართულ მეცნიერებაში არსებულ მდგომარეობაზე ისაუბრა.
ჟურნალისტებთან შეხვედრისას, აკადემიის პრეზიდენტი შეეხო, განათლებისა და მეცნიერების სამინისტროს ინიციატივას, რომლის მხიედვითაც, მეცნიერების ხელფასი 250%-ით გაიზარდა, მეცნიერებს აღნიშნული გადაწყვეტილების შედეგად ხელფასი 150 ლარიდან 700-800 ლარადმე გაეზრდებათ. ეს გადაწყვეტილება მეცნიერებათა აკადემიის პრეზიდენტმა დადებითად შეაფასა, თუმცა აღნიშნა, რომ 800 ლარიანი ხელფასი არ არის საკმარისი მეცნიერისთვის, რათა მან შეძლოს სრულფასოვანი კვლევები ჩაატაროს.
გიორგი კვესიტაძის განცხადებით, მეცნიერება ემსახურებოდა მილიტარიზირებულ ამოცანებს, დღეს კი უნდა გადაწყდეს საქართველოში არსებული ლოკალური პრობლემები, უნდა მოხდეს ქვეყნის ტექნოლოგიური მოდერნიზაცია, რასაც ემსახურება მეცნიერებათა აკადემია. 
ქვეყანაში შეიქმნა ეროვნული საინვესტიციო სააგენტო, რომელიც მნიშვნელოვნად შეუწყობს ხელს ქართველი მეცნიერების მიღწევების დამუშავებასა და ტექნოლოგიების დანერგვას. მეცნიერებათა აკადემიის პრეზიდენტის აზრით, ეს არის ძალიან მნიშვნელოვანი ნაბიჯი, იმისათვის, რომ ქვეყანაში ბიძგი მიეცეს ტექნოლოგიურ მოდერნიზაციას. საქართველოში იცლება სოფლები, განსაკუთრებით კი მაღალმთიან რეგიონებში, ამიტომ ყურადღება ექცევა იმ ტექნოლოგიების შექმნას, რომელიც სწორედ ასეთ რეგიონებში იქნება რეალიზებული.
„საქართველოში, მეცნიერთა რაოდენობა შემცირდა, მაგრამ დარჩენილია მნიშვნელოვანი ძალა, რომელსაც შეუძლია შექმნას ახალი ტექნოლოგიები. შექმნილია სპეციალური საბჭო, რომელიც იხილავას ამ ტექნოლოგიებს,“ – აცხადებს გიორგი კვესიტაძე. მისივე განცხადებით, საქართველოში მეცნიერთა რაოდენობა შემცირებულია. მისი განმარტებით, ამის მიზეზი გაუსაძლისი პირობები და მეცნიერების ძალიან დაბალ ხელფასებია. „140 ლარად როგორ უნდა იმუშავოს ადამიანმა, რომელსაც ოჯახი ყავს, ეს არის წარმოუდგენელი, ხალხი იძულებულია სხვა სამსახური მოძებნოს, წავიდეს ვაჭრობასა და კომერციაში,“ – აღნიშნავს კვესიტაძემ.
ქვეყანაში, მეცნიერთა რაოდენობა შემცირდა, მაგრამ დარჩენილია მნიშვნელოვანი ძალა, რომელსაც შეუძლია შექმნას ახალი ტექნოლოგიები, შექმნილია სპეციალური საბჭო, რომელიც იხილავას ამ ტექნოლოგიებს. ასევე აკადემიის პრეზიდენტის თქმით, ახალი რეფორმები მეცნიერებათა აკადემიაში ახალგაზრდების მოდინებას შეუწყობს ხელს. არის ძალიან ბევრი ნიჭიერი ახალგაზრდა მეცნიერი, მაგრამ უსახსრობის პირობებში მათ გადაწყვიტეს სხვა სფეროში გაეგრძელებინათ მოღვაწეობა, ზოგიც კი სხვა ქვეყანაში მოღვაწეობს. 
„დღეს საზღვარგარეთ 400-მდე ქართველი მეცნიერი მოღვაწეობს, რაც ისეთი პატარა ქვეყნისთვის, როგორიც საქართველოა, ძალიან დიდი რიცხვია. ქართველი მეცნეირები სხვა ქვეყანაში საკმაოდ მაღალრეიტინგულ კომპანიებსა და უნივერსიტეტებში მოღვაწეობენ. მეცნიერებათა აკადემია გეგმავს, რომ დაამყაროს კონტაქტი უცხოეთში წასულ მეცნიერებთან,“ – აცხადებს აკადემიის პრეზიდენტი.
პრესკომფერენციაზე ცნობილი გახდა ასევე, რომ ჩინეთში, ქალაქ იალტაში გაიხსნა საქართველოსა და ჩინეთის ერთობლივი ბიოტექნოლოგიური ცენტრი, რომელიც გულისხმობს ერთობლივი ტექნოლოგიების დამუშავებას და შემდეგ ლიცენზიების გაყიდვას.
”თბილისი თაიმსის” კითხვაზე, ინტერესდებიან, თუ არა კერძო კომპანიები მეცნიერების გამოგონებებით, გიორგი კვესიტაძემ განაცხადა: “ინტერესდებიან, თუმცა სასურველი იქნებოდა, რომ უფრო მეტი ინტერესი ყოფილიყო, სასურველია მეცნიერებას უფრო მეტი ავტორიტეტი ქონდეს. არის ასეთი ბიზნესმენი ბადრი წილოსანი, რომელიც ძალიან საინტერესოდ მოღვაწეობს და არის მზად დააფინანსოს რამდნეიმე გამოგონება.”
მეცნიერებათა აკადემიის პრეზიდენტი ვარაუდობს, რომ ინვესტორთა რაოდენობა უახლოეს ორ წელიწადში მნიშვნელოვნად გაიზრდება.
ნინა პირტახია
