შს მინისტრ ვახტანგ გომელაურის განცხადებით, შსს-ს გაყოფა უკვე დაწყებულია და ეს მთავრობის დაპირება იყო. როგორც გომელაურმა მთავრობის სხდომის დასრულების შემდეგ გამართულ პრესკონფერენციაზე განაცხადა, კანონპროექტი ითვალისწინებს ახალი სამსახურის შექმნას, კერძოდ, ეს იქნება სახელმწიფო უსაფრთხოების სამსახურის, რომელშიც შევლენ სპეც-სამსახურები, როგორიცაა კონტრდაზვერვა, ანტიკორუფციული და ანტიტეროტირსტული სამსახურები. რაც შეეხება სახელმწიფო უსაფრთხოების სამსახურის ხელმძღვანელის დანშვნის წეს, მას პრემიერი მთავრობას წარუდგენს, მთავრობის თანხმობის შემთხვევაში კი პარლამენტი დაამტკიცებს. გომელურმა აღნიშნა, რომ უსაფრთხოების სამსახურის ხელმძღვანელი 6 წლის ვადით აირჩევა ერთიდაიგივე პირი რამდენჯერმე ვერ დაინიშნება. მინისტრის თქმით, ხელმძღვანელი იქნება აპოლიტიკური პირი და ის ანგარიშვალდებული იქნება, როგორც მთავრობის ასევე პარლამენტის წინაშე. გომელაურის განმარტებით, შსს-ში ყველა პოლიციური განაყოფი დარჩება.
