ევროპის ახალგაზრდული ოლიმპიური ფესტივალის ოფიციალურ დელეგაციასთან ერთად თბილისის მუნიციპალიტეტის საკრებულოს თავმჯომარე გიორგი ალიბეგაშვილი ცეცხლის ანთებისა და გადმოცემის ცერემონიალში მონაწილეობის მისაღებად ათენის მიმართულებით დღეს გაემგზავრა.
,,საქართველოს ბოლოდროინდელი სპორტული წარმატებები სულ მალე მსოფლიოს ყურადღების ცენტრში მოექცევა.
მოხარული ვარ, რომ ოლიმპიური ცეცხლის ჩამოტანის პროცესში ვიღებ მონაწილეობას.
მივესალმები ევროპის ახალგაზრდული ოლიმპიური ფესტივალის საქართველოს დედაქალაქში ჩატარებას, რაც, თავისთავად, ძალიან მნიშვნელოვანი ფაქტია.
იმედს ვიტოვებ, რომ მომავალში საქართველოში უკვე დიდი ოლიმპიადის სპორტული ჩირაღდანს ჩამოიტანენ’’,-განაცხადა გიორგი ალიბეგაშვილმა.
ოლიმპიური ცეცხლის ანთება ათენში პანათინაიკოსის სტადიონზე მოხდება.
ოლიმპიური ცეცხლის ანთებისა და გადაცემის პროცესი გულისხმობს ჩირაღდნის ესტაფეტის დაწყებას მასპინძელ ქვეყანაში.
2015 წლის 26 მაისს, საქართველოს დამოუკიდებლობის დღეს, ოლიმპიური ცეცხლი პირველად შემოვა საქართველოში.
ჩირაღდნის პირველი გადაცემა მოხდება ბათუმში.
ახალგაზრდული ოლიმპიური ფესტივალის თბილისი -2015-ის გახსნის ცერემონი დედაქალაქში 2015 წლის 26 ივლისს შედგება და მასში მონაწილეობას კონტინენტის 49 ქვეყნის 3800-მდე სპორტსმენი მიიღებს.
ოლიმპიადის თბილისში ჩატარება ბელგრადში ევროპის ოლიმპიური კომიტეტების გენერალურ ასამბლეაზე გამართულ კენჭისყრაზე გადაწყდა.
