საპროტესტო აქცია დღეს სამი რაიონის – ყვარლის, ლაგოდეხის და გურჯაანის მევენახეებმა გამართეს. აქციის მონაწილეები ყურძეზე დაწესებულ ფასს აპროტესტებდნენ.
მათი თქმით, სახელმწიფოს მიერ გადახდილი ფასი მინიმუმია და თანხა მინიმუმ ერთ ლარს უნდა შეადგენდეს. ისინი ასევე სოფლის მეურნეობის მისისტრისა და ყოფილი პრემიერის ბიძინა ივანიშვლის ჩასვლას ითხოვდნენ.
ამ მოთხოვნით აქციის მონაწილეებმა თავდაპირველად აქციია გურჯაანის გამგეობის შენობასთან გამართეს, რის შემდეგაც მსვლელობით აგრარული ბაზრის მიმდებარე ტერიტორია გადაკეტეს. დაპირისპირება პოლიციელებსა და მევენახეებს შორის გზის გათავისუფლების მოთხოვნის შემდეგ დაიწყო.
კახეთის შს სამხარეო პოლიციის უფროსის მოადგილე და გურჯაანის პოლიცის უფროსი თავად იყვნენ ჩართული გზის სავალი ნაწილის გახსნაში, რასაც შეხლა-შემოხლა მოყვა. ამ დროისთვის აქციის მონაწილეები ადგილზე რჩებიან, თუმცა მაგისტრალიც გახსნილია და სიმშვიდეა. მევენახეების მოთხოვნა უცვლელი რჩება. აქციის მონაწილეებთან არც რთველის საკოორდინაციო შტაბიდან და ხელისუფლებიდან არავინ მისულა.
