ჯანდაცვის მსოფლიო ორგანიზაციის წარმომადგენლებმა, ჯანმრთელობის მსოფლიო დღისადმი გამართულ კონფერენციაზე 2015 წელი ორგანიზაციის მოღვაწეობისთვის მნიშვნელოვან წლად გამოაცხადეს.
ჯანდაცვის ორგანიზაციამ მიმართვა გაავრცელა,სადაც ნათქვამია, რომ გადამუშავებული ხორცის მიღება, სოსისის, ძეხვეულის ან შებოლილი სახით სიმსივნური უჯრედების წარმოქმნას უწყობს ხელს.
2015 წელი, მათი თქმით, მნიშვნელოვანია პლანეტის ყველა მცხოვრებისათვის, სამოქალაქო საზოგადოების, მთავრობების, კერძო სექტორისა და საერთაშორისო ორგანიზაციებისთვის. ამის მიზეზი ახალი კამპანიაა „უსაფრთხო საკვები-გზაწარმოებიდან თეფშამდე“.
წლის ბოლოსთვის, ორგანიზაცია გეგმავს რამდენიმე ახალი კვლევის გამოქვეყნებას, ამასთანავე იგი მიესალმება იმ ფაქტს,რომ დღესდღეობით, მოსახლეობა სხვა წლებთან შედარებით მეტად არის ინფორმირებული გენომიდიფიცირებული საკვების მავნებლობისა და არაჯანსაღი მინარევების შემცველი პროდუქტების შესახებ. BBC-სთან საუბრისას ორგანიზაციის ახალ ანგარიშთან დაკავშირებით, წარმომადგენლებმა განაცხადეს, რომ გლობალიზაციის ეპოქაში საკვების უვნებლობას, საკვებით უზრუნველყოფის ყველა რგოლზე – წარმოებასა და ტრანსპორტირებიდან-მომზადებასა და მოხმარებას ყურადღება უნდა მიექცეს.
ორგანიზაცია ორ მნიშვნელოვან პრობლემაზე ამახვილებს ყურადღებას. პირველი ეს არის „ფერმიდან თეფშამდე“ საკვების მიწოდების პროცესი და მეორე გენმოდიფიცირებული საკვები.
დღესდღეობით, საკვების მიწოდება რადიკალურად შეიცვლილია, პლანეტის ერთ ნაწილში მომხდარმა დაბინძურებებმა შესაძლოა დააზიანოს მომხარებელთა ჯანმრთელობა სრულებით მოშორებით, პლანეტის სულ სხვა ნაწილში.
კითხვაზე თუ,რას მოიცავს სურსათის უვნებლობა პასუხი ყველა ქვეყანაში ერთია – საზოგადოებრივი ჯანდაცვის ღონისძიებებს, რომელიც მომხმარებლებს კვებითი მოშხამვისა და საკვებით გამოწვეული მწვავე და ქრონიკული დაავადებების რისკებისაგან იცავს. არაჯანსაღმა საკვებმა შესაძლოა გამოიწვიოს დიარეული და ვირუსული დაავადებები, რეპროდუქციული და ზრდა-განვითარების პრობლემები, სიმსივნეები.
ახალმა კვლევებმა აჩვენა, რომ სურსათის უვნებლობის სფეროში მუდმივად ჩნდება ახალი საფრთხეები. სურსათის წარმოების, განაწილების და მოხმარების დარგში მიმდინარე ცვლილებები,როგორიცაა ინტენსიური აგრო–წარმოება, სურსათით ვაჭრობის გლობალიზაცია, მზა საკვებისა და სწრაფი კვების ინდუსტრია და ეკოლოგიური ცვლილებები, ახლად გამოვლენილი ბაქტერიები და ტოქსინები, ანტიმიკრობული რეზისტენტობა და ა.შ ზრდის სურსათის მავნებლობის რისკს.
ყოველწლიურად 2 მილიონზე მეტი ადამიანი იღუპება საკვებისა და წყლით გამოწვეული დაავადებებით.
საკვებისმიერი დაავადებები ძირითადად გამოწვეულია საკვებში ან წყალში მოხვედრილი ბაქტერიების, ვირუსების, პარაზიტებისა და ქიმიური ნივთიერებების ორგანიზმში მოხვედრით. აგრეთვე, ბიოტოქსინებით დაბინძურებული ზღვის პროდუქტების მიღებისას. საკვებში არსებულმა პათოგენებმა შეიძლება გამოიწვიოს დიარეა, მენინგიტი, კიბო.
რამდენიმე წლის წინ თუ ადამიანთა უმრავლესობამ არ იცოდა გენმოდიფიცირებული საკვების მავნებლობის შესახებ, დღეს ეს ფაქტი უკვე ცნობილია, ყოველშემთხვევაში ინფორმაცია ხელმისაწვდომია. დღეს მსოფლიოში ყოველწლიურად იზრდება გენეტიკურად მოდიფიცირებული პროდუქციის წარმოება და, შესაბამისად, მსოფლიო ბაზარზე მატულობს გენმოდიფიცირებული საკვები პროდუქტების რაოდენობა, რომელთა შორისაა სიმინდი, სოიო, კარტოფილი, ბრინჯი და სხვა
სასოფლო-სამეურნეო კულტურების გენების მოდიფიცირება მათ ანიჭებს მდგრადობას სხვადასხვა დაავადებების, ასევე მღრღნელების წინააღმდეგ, ზრდის შენახვის ვადებს. მაგრამ გაუთვალისწინებელია ყველაზე მნიშვნელოვანი ფაქტი – გენების ხელოვნური შეცვლის ეფექტების შეფასება, რაც საკმაოდ რთულია. სწორედ ამიტომ ევროპის ბევრ ქვეყანაში გენმოდიფიცირებული პომიდვრის და კარტოფილის ნათესების ფართობები დღეისათვის უკიდურესად
ჯანდაცვის მსოფლიო ორგანიზაციის კვლევებში ნათქვამია, რომ მსოფლიოს უმრავლეს ქვეყანაში არ არის მოწონებული გენმოდიფიცირებული ხორბლის მოყვანა და მისი მოხმარება. გამონაკლისს წარმოადგენს ამერიკის შეერთებული შტატები, სადაც დღემდე მოიხმარენ გენმოდიფიცირებულ ხორბალს.
აღნიშნულ საკითხზე საუბრისას, ხშირად განზე რჩებათ მეორე მხარის შეხედულებები. მეცნიერების გარკვეულ ნაწილს მიაჩნია, რომ გენმოდიფიცირებული საკვები პროდუქტები სავსებით უსაფრთხოა. მათი მთავარი არგუმენტი ის არის, რომ ბიოინჟინერიის მეთოდების გამოყენება მრავალ სასრგებელო თვისებებს სძენს სასოფლო–სამეურნეო კულტურებს. ამ კულტურებიდან მიღებული პროდუქტები გამოირჩევიან მაღალი ხარსიხით, აქვთ მომგებიანი სასაქონლო სახე და საკვებ ღირებულებას უფრო დიდხანს ინარჩურებენ. 
მეცნიერების მეორე ნაწილის აზრით, გენეტიკურად მოდიფიცირებული ორგანიზმების გავრცელება საფრთხეს უქმნის ბიოლოგიურ მრავალფეროვნებას. როდესაც ადამიანის ორგანიზმში ასეთი პროდუქტი ხვდება და ამას სისტემატური ხასიათი აქვს, ეს მასში მთელ რიგ გენურ ცვლილებებს.
ყველას შეუძლია გააკეთოს არჩევანი გენმოდიფიცირებულ და ეკოლოგიურად სუფთა პროდუქტებს შორის. ასეთ ალტერნატივას წარმოადგენს ბიო-პროდუქტები. ბიომეურნეობა კი სოფლის მეურნეობისა და საკვების წარმოების ისეთი სისტემაა, სადაც არ გამოიყენება ქიმიური სასუქები, ჰერბიციდები, პესტიციდები ან სხვა ნივთიერებები, რომლებმაც შესაძლოა უარყოფითი გავლენა იქონიონ ადამიანის ჯანმრთელობასა და ”ბიო” კანონით განსაზღვრული განმარტებაა და გულისხმობს, რომ მეურნეობის მართვისა და საკვების წარმოების მეთოდები მსოფლიოში აღიარებულ სტანდარტებს შეესაბამება. ტერმინები “ეკოლოგიური” და “ბიო” ან “ორგანული” სინონიმებია. ამგვარი წარმოების მეურნეობაში კატეგორიულად აკრძალულია გენეტიკური ინჟინერიის ტექნოლოგიით მიღებული ორგანიზმების გამოყენება.
ბოლო ინფორმაციით ჯანდაცვის ორგანიზაციის მიერ გავრცელებულ მიმართვაში ნათქვამია, რომ გადამუშავებული ხორცის მიღება დაუშვებელია.
კარცეროგენული პროდუქტების სიაში შედის წითელი ხორციც, რომლის მიღებაც, ასევე, ზრდის სიმსივნის წარმოქმნის რისკებს. ანგარიშში აღნიშნულია, რომ დღიურად 50 გრამი გადამუშავებული ხორცის მიღება 18 პროცენტით ზრდის დაავადების წარმოქმნის შანსს.
გთავაზობთ ჯანდაცვის მსოფლიო ორგანიზაციის მიერ გავრცელებულ სოციალურ რეკლამას, რომელიც საკვების უვნებლობას ეხება: https://www.youtube.com/watch?v=8saaEsV0Th4
თემაზე მუშაობდნენ:
გიორგი მიქანაძე
ნათია კეკენაძე
