„საერთაშოისო გამჭვრივალობა – საქართველოს“ მიერ წარმოდგენილმა კვლევამ რომელიც ეხებოდა საზოგადოებრივ აზრს კორუფციაზე აჩვენა, რომ საქართველოს მოქალაქეები სასამართლოს, მედიასა და პარლამენტს ყველაზე კორუმპირებულ ინსტიტუტად მიიჩნევენ.
„საერთაშორისო გამჭვირვალობის“ ახალი გლობალური კორუფციის ბარომეტრის კვლევის თანახმად, საქართველოს მოსახლეობის მხოლოდ 4% ადასტურებს, რომ ბოლო 12 თვის განმავლობაში ქრთამი გადაუხდია. ( 2010 წლის გამოკითხვის თანახმად, გამოკითხულთა 3% უპასუხა ამ კითხვას დადებითად).
კვლევაში შესული 107 ქვეყნიდან საქართველოში ქრთამის გადახდის ერთ-ერთი ყველაზე დაბალ მაჩვენებელია. ზოგადად, მთელი მსოფლიოს მასშტაბით, ოთხი გამოკითხულიდან ერთ ადამიანზე მეტი (27%) აცხადებს, რომ ბოლო 12 თვის განმავლობაში ქრთამი გადაუხდია.
მიუხედავად ამ შედეგისა, კორუფცია საქართველოს ბევრი მოქალაქისთვის ისევ პრობლემად რჩება. გლობალური კორუფციის ბარომეტრის კვლევის ფარგლებში, 2012 წლის სექტემბერში ჩატარებული გამოკითხვისას, შეკითხვაზე „რომელ ინსტიტუტს მიიჩნევთ ყველაზე კორუმპირებულად?“ რესპოდენტების 51% – მა სასამართლო დაასახელა. შემდეგ ადგილზე გამოკითხულთა 42 % -ით მედია არის, ხოლო პარლამენტს გამოკითხულთა 34% მიიჩნევს კორუმპირებულ ინსტიტუტად. ნაკლებად კორუმპირებულ ინსტიტუტად დასახელდა რელიგიური ორგანიზაციები (გამოკითხულთა 81% ამბობს, რომ ეკლესია არ არის ან ნაკლებად კორუმპირებულია), ჯარი (73%) და არასამთავრობო ორგანიზაციები (71%).
„კვლევის შედეგები გვიჩვენებს, რომ სასამართლო სისტემაში დაწყებული რეფორმები უნდა გაგრძელდეს. ჩვენ ასევე გვჭირდება პროკურატურის რეფორმულობა. პროკურატურა ძლიერი ინსტიტუტია და ის ხელისუფლენისგან სრული დამოუკიდებლობით უნდა გამოირჩეოდეს. დღეს საქართველოს პროკურატურა საკმაოდ ხშირად პოლიტიზირებულია. მოქალაქეებს ძალოვანი სტრუქტურების და სასამართლოს ნდობა უნდა ჰქონდეთ, „ – აცხადებს „ საერთაშორისო გამჭვირვალობა – საქართველოს“ აღმასრულებელი დირექტორი, ეკა გაგუა.
კვლევაში ხაზგასმულია, რომ საქართველოში საჯარო სექტორში ნეპოტიზმი ისევ პრობლემად რჩება: კითხვაზე, რამდენად საჭიროა პირადი კონტაქტები სახელმწიფო სექტორთან ურთიერთობისას, გამოკითხულთა 38% პასუხობს, რომ ასეთი კონტაქტები მნიშვნელოვანია; 15 % თვლის, რომ ასეთი კონტაქტები ძალიან მნიშვნელოვანია და მხოლოდ 28 % მიიჩნევს, რომ პირადი კონტაქტები მნიშვნელოვანი არაა.
შეკითხვაზე, როგორ მოიქცეოდნენ კორუფციის ფაქტის გამოვლენისას, ქართველი რესპოდენტების 63% აცხადებს, რომ ისინი ასეთ ფაქტს გაასაჩივრებდნენ. მათი 49% ამბობს, რომ ოფიციალურ ცხელ ხაზზე დარეკავდა (რომელიც საქართველოში არ არსებობს). გამოკითხულთა დიდი ნაწილი, ვინც ამბობს, რომ კორუფციის ფაქტის აღმოჩენისას არაფერს მოიმოქმედებდა, ამბობს, რომ ხმის ამაღლებას კორუფციის წინააღმდეგ აზრი არ აქვს (46%); მეოთხედზე მეტი აცხადებს, რომ არ იცის, ვის და როგორ უნდა შეატყობინოს კორუფციის შესახებ, ხოლო 21% ამბობს, რომ სიფრთხილის გამო შეიკავებდა თავს.
„საერთაშორისო გამჭვირვალობის“ დაკვეთით, საქართველოში გამოკითხვა ჩაატარა გამოკითხვებისა და მარკეტინგის ინსტიტუტმა IPM -მა, რომელმაც პირდაპირ გამოიკითხა საქართველოში მცხოვრები 1000 მოქალაქე (აფხაზეთისა და სამხრეთ ოსეთის გარდა) 2012 წლის სექტემბერში. გლობალური კორუფციის ბარომეტრი, რომელიც ბერლინში მდებარე „საერთაშორისო გამჭვირვალობის“ სამდივნო ახორციელებს, ერთადერთი გამოკითხვაა, რომელიც მთელი მსოფლიოს მასშტაბით იკვლევს საზოგადოებრივ აზრს კორუფციაზე. 2013 წლის გობალური კორუფციის ბარომეტრი 107 ქვეყანაში 114,270 ადამიანის შეხედულებებს და გამოცდილებას ასახავს.
არღიშნული კვლევის პრეზენტაციას, რომელიც დღეს სასტუმრო „თბილისის მარიოტში“ გაიმართა ესწრებოდნენ იუსტიციის უმაღლესი საბჭოს და ასევე არასამთავრობო სექტორის წარმომადგენლები.
09.07.13
