27 აპრილიდან, ხუთი დღე, თბილისში კარატეს ლეგენდარული იტალიელი დიდოსტატი -ანტოპნიო ოლივა სება იმყოფებოდა, რომელიც თეორიულ-პრაქტიკულ სემინარებს უძღვებოდა. კარატეს ცოცხალი ენციკლოპედია მეცხრე დანის მფლობელია და იგი სპეციალური მოწვევით ჩამოვიდა ჩვენს ქვეყანაში, რომელიც მოიწვია საქართველოს კარატეს ეროვნული ფედერაციის პრეზიდენტმა, კახა ბასილიამ.
“გასათვალისწინებელია, რომ ანტონიო ოლივა მხოლოდ უმაღლესი რანგის მიწვევებს იღებს, რადგან მისი დონე მსოფლიოში სხვა კლასია… სენსეი ანტონიო ესპანელი წარმოშობის ოსტატია და ამავე დროს, კარატეს და სხვა საბრძოლო ხელოვნებათა პროფესორი. დიდოსტატი თითქმის ყველა საბრძოლო ხელოვნებაში – ძიუდო, ფარიკაობა, კიკბოქსინგი, ტაეკვონდო და, რა თქმა უნდა კარატე, და ა.შ. – ატარებს სემინარს მსოფლიოს ყველა ქვეყანაში. მისი სასემინარო ძირითადი მიმართულებაა ტაქტიკა-სტრატეგია, ბრძოლის ანალიზი და ფსიქოლოგია, ასევე სრული ფიზიკური მომზადება. ჩვენი ფედერაცია სრულად გამოეხმაურა საქართველოს სპორტის სამინისტროს და სპეციალური ლიცენზირების პროგრამები დაიწყო. მომდევნო გაზაფხულზე კიდევ იგეგმება მაესტროს თბილისში ჩამოყვანა, რაც ჩვენ სპორტსმენებზე და მწვრთნელებზე მეტად კარგად აისახება. მაესტრო წლევანდელ მიცემულ პროგრამას ჩაიბარებს გაისად, გამოცდების სახით, რომელიც მან ყველა კატეგორიის მწვრთნელებს და ინსტრუქტორებს დაუტოვა. აქვე მინდა მადლობა გადავუხადო საქართველოს სპორტის სამინისტროს კარატეს მსოფლიოს უმაღლესი რანგის ოსტატის ჩამოყვანაში გაწეული დახმარებისთვის,” – განაცხადა სემინარების დასრულების შემდეგ კახა ბასილიამ.
ნუგზარ ჭიაბერაშვილი,
საქართველოს კარატეს ეროვნული ფედერაციის პრესმდივანი
