„არ გვქონია კონკრეტული საუბარი, თუმცა ჩვენი წამოსვლის მიზეზი იცოდა. არ შეგვითავაზებია ხომ არ წამოვიდოდა ჩვენთან. ამ ეტაპზე არ მიმდინარეობს არანაირი კონსულტაცია ჩვენი და გიორგი ვაშაძის გაერთიანებისთვის. ეს არ ნიშნავს, რომ ჩვენ შევფერხდით და რამეში ხელი გვეშლება,“ – ამის შესახებ პოლიტიკური გაერთიანება „გირჩის“ ერთ-ერთმა ლიდერმა გოგა ხაჩიძემ გადაცემა „მაესტროს ფაქტორში“ განაცხადა.
„არსებობს ორი ვერსია, გიორგი ვაშაძის და „ნაციონალური მოძრაობის“. ვაშაძის ვერსია ემთხვევა იმას,რატომაც ჩვენ დავტოვეთ გარკვეული პერიოდის წინ ეს პარტია. მიზეზი არსებობდა და კონკრეტულად არასაკმარისი განახლების პრობლემა დღესაც რჩება.
სიტუაცია ჯერჯერობით დუღს. გიორგი დამშვიდდება და უკეთ აღიქვამს მოვლენებს. პოლიტიკური ძალების ფუნქციონირებისთვის თანხების მოზიდვას ძალიან დიდი ენერგია და დრო ჭირდება. რომანტიზმი პოლიტიკაში ნელ-ნელა ქრება. დღეს ძალიან რთულია გამონახო ფინანსური რესურსები,“ – განაცხადა გოგა ხაჩიძემ.
მანანა ღოღობერიძე
