შვეიცარიის კანტონის, ბაზელ-ლენდის ხელისუფლებამ უარი განაცხადა მოქალაქეობა მიანიჭოს მუსლიმ გოგონებს, რომლებიც ცურვის გაკვეთილებზე არ დადიან. ინფორმაციას The Local ავრცელებს.
შვეიცარიის ტელევიზიის ცნობით, საუბარია 12 და 14 წლის ორ მუსლიმ დაზე, რომლებმაც რელიგიური მოსაზრებიდან გამომდინარე, უარი განაცხადეს სკოლაში ბასეინზე სიარულზე, რომ მათი ნაწილობრივ შიშველი სხეული არავის დაენახა. რის გამოც მათ შევიცარიულ პასპორტზე უარი უთხრეს.
როგორც გადაწყვეტილების ერთ-ერთმა ინიციატორმა, სტეფან ვერლემ განაცხადა, ახალგაზრდა ადამიანებმა უნდა დაამტკიცონ, რომ შვეიცარიის საგანმანათლებლო სისტემის ყველა მოთხოვნას აკმაყოფილებენ. რადგანაც ცურვის გაკვეთილები აუცილებელია, მასზე დაუსწრებლობა ნიშნავს, რომ მოსწავლემ მოთხოვნები ვერ დააკმაყოფილა: „ისინი კანონის მდგომარეობას არღვევენ, შესაბამისად, მოქალაქეობის უფლებას კარგავენ“- განაცხადა ვერლემ.
გარდა ამისა, მუსლიმი-მოსწავლეების ოჯახებმა მსხვილი ჯარიმები უნდა გადაიხადონ, თუკი მათი შვილები ცურვის გაკვეთილებს არ დაესწრებიან.
სოფო ნინიკაშვილი