“მოკლედ, რომ ვთქვათ ისეთი შთაბეჭდილება დამრჩა, ხარ თუ არა კეთილსინდისიერი გადამხდელი მაგარი „კიდიათ“ ბანკებს. ლიბერთი ბანკი (Liberty Bank)”, – ამის შესახებ, ფეისბუკმომხმარებელი დავით ჯანიაშვილი წერს.
“მოკლედ დღეს ერთ ფაქტს გადავაწყდი, რომლის გამოსავალიც ვერ ვიპოვე ვერანაირად და მინდა თქვენც მოგიყვეთ ამის შესახებ თუ თავს არ შეგაწყენთ:
2011 წელს პეტრემ (სახელები პირობითია) მეუღლის სწავლის დასაფინანსებლად აიღო სახელფასო სესხი დაახლოებით 4000 ლარის ოდენობით, სესხის უზრუნველყოფა მოხდა თავდებობით, სადაც თავდებობა პეტრეს მეგობარმა ვანომ იკისრა, რომელსაც პეტრეზე მეტი შემოსავალი ჰქონდა. მოგვიანებთ ვანომ თვითონაც აიღო სახელფასო სესხი იმავე ბანკიდან 15 ათასი ლარი თან ამასთანავე გახდა პავლეს თავმდებიც. სესხის აღებიდან ერთი წლის შემდეგ სამსახური და შესაბამისად შემოსავალიც დაკარგეს პეტრემაც და პავლემაც, ხოლო ვანოს ხელფასი გაუნახევრდა. პეტრემ და პავლემ ვერ მოახერხეს საკუთარი სასესხო ვალდებულებების შესრულება ხოლო ვანო აგრძელებდა ამ სასესხო ვალდებულებების შესრულებას მიუხედავად შემცირებული შემოსავლისა. პეტრეს და პავლეს წინააღმდეგ ბანკმა სასარჩელო წესით მოითხოვა თანხის დაკისრება ხოლო სარჩელის უზრუნველყოფის ღონისძიების სახით ყადაღა დაედო ვანოს სახელფასო ანგარიშსაც საიდანაც იგი თავისი კრედიტის გასტუმრებას ახდენდა.
შესაბამისად არათუ შავ სიაში არამედ შავ დღეშიც აღმოჩნდა როგორც პეტრე და პავლე ასევე ვანოც…. ანუ იმის გამო რომ პეტრე და პავლე იყვნენ გადახდისუუნაროები მათ კვალს ბანკის მოწადინებით გაჰყვათ ვანოც რომელსაც სესხი პეტრეს და პავლეს ერთად აღებულ სესხზე გაცილებით მეტი აქვს, და რომელიც გადახდისუნარიანი იყო.
უბრალოდ ბანკის ლოგიკა ვერ გავიგე ვერანაირად ერთი იმათ თავში ჩამახედა ვინც ყადაღა დაადებინა და დაადო ანგარიშებს.
მოკლედ, რომ ვთქვათ ისეთი შთაბეჭდილება დამრჩა, ხარ თუ არა კეთილსინდისიერი გადამხდელი მაგარი „კიდიათ“ ბანკებს. ლიბერთი ბანკი (Liberty Bank)”.
