,,რა ამბავი და ტრაგედიაც ატყდა ამ სამოსზე, ნეტა ბევრი სხვა მიმართულებით ვიყოთ ასე ,,აქტიურა კაი ტიპები”. ძალიან სამარცხვინოა, რაც ხდება,” – ამის შესახებ საკუთარ Facebook გვერდზე მომხმარებელი – გიორგი მიქანაძე წერს, რომელიც მედია-საშუალებებთანაც აქტიურად გამოხატავს საკუთარ მოქალაქეობრივ პოზიციებს. ,,თბილისი თაიმსი” უცვლელად გთავაზობთ გამოქვეყნებულ ტექსტს.
“რას ერჩით?!
კი ვიცი, რომ გემოვნებიანი ხართ მთელი თბილისი, – მაგრამ, რას ერჩით?
ვფიქრობ რამდენიმე წარუმატებელი ფოტოთი გადაწყდა ყველაფერი, დავატრიალეთ ჭიქაში ქარიშხალი, თმა გავიწეწეთ. იმაზე არ ვღელავთ, რომ უწიგნურები ვართ და მთელს მსოფლიოს ჩამოვრჩებით და სწრაფად ამოსაქოქნი ვართ. რაც მარტივია, იმაზე ვგიჟდებით.
ამ შემთხვევაში, განწყობის შექმნისთვის მნიშვნელობა აქვს
1. თავად პროდუქტსაც (რა შეიკერა)
2. მოტანის ფორმასაც (კადრები, რეჟისურა)
3. მორგებასაც ამ პროდუქტის
ბევრი ასპექტია…
გარდა ამისა, გემოვნება ძალიან პირობითი რამაა და არ დაიჯეროთ, რომ მასზე არ დაობენ. დაობენ და ძალიან ბევრსაც. თუ არ დაობენ, არ დაობენ მხოლოდ იმიტომ, რომ არ აქვს აზრი. ვფიქრობ, მთავარზე უნდა იყოს ყურადღება გადატანილი. რა ამბავი და ტრაგედიაც ატყდა ამ სამოსზე, ნეტა ბევრი სხვა მიმართულებით ვიყოთ ასე “აქტიურა კაი ტიპები”. ძალიან სამარცხვინოა რაც ხდება.
უბრალოდ, ახლა ძალიან ცხელა, განსაკუთრებულად ნაკლები საქმე გვაქვს, ვიდრე ჩვეულებრივ, ეს კრიტიკა ხო გვევასება, მზრუნველობის ადვილი ფორმაა და დაცინვაც, აღარ ვიცით რა ვქნათ, რით ვიზრუნოთ ჩვენს ოლიმპიელებზე. გვარ-სახელები თუ იცით ნეტა ამ ბიჭ-გოგოების და რომელ კატეგორიებში ასპარეზობენ? ან რა დამსახურებები აქვთ?
იფიქრეთ, ამ ძალიან მაგარ ბიჭებზე და გოგოებზე და გაამხნევეთ!!!
კი ვთრგუნავთ ახლა, მაგრამ დარწმუნებული ვარ ძალიან მაგრა იასპარეზებენ.
დაოკდი და დაწყნარდი ერო ჩემო, ძვირფასო მეტი კითხვა, მეტი შემოქმედებითობა, მეტი პოზიტივი, მეტი გამოხატვის კულტურა და ნაკლები ბრბოს ფსიქოლოგია.”
