საიტი ნუნუ.ჯი გურამ ცერცვაძემ 2016 წლის მარტში გაუშვა. საიტს აქვს ძიძების მონაცემთა ყველაზე მზარდი ბაზა მთელ ქართულ ინტერნეტ-სივრცეში. ბაზები ყოველდღიურად ახლდება, ახალი კანდიდატები კი ანაცვლებენ უკვე დასაქმებულების ადგილებს.
გურამ ცერცვაძის თქმით, საიტი უფასოა და საკომისიოს გადახდა მშობლებს და ძიძებს არ უწევთ. საიტზე თითოეულ ძიძას განთავსებული აქვს თავისი განცხადება, სადაც მოცემულია მათ შესახებ ყველაფერი, რაც მშობლებს საწყის ეტაპზე აინტერესებთ; ვინაობა, სურათი, გამოცდილება, უნარები, რეკომენდაციები და ა.შ. გარდა ამ სერვისისა, საიტი მომხმარებელს ძიძის შერჩევის, ბავშვის მოვლის, ჯანმრთელობის, ფსიქოლოგიისა და სხვა აქტუალური თემების შესახებ მრავალფეროვან ინფორმაციას აწვდის. სექტემბერში ნუნუ.ჯი-მ „თიბისი“ ბანკის მიერ ორგანიზებულ ბიზნესდაჯილდოებაშიც მიიღო მონაწილეობა.
როგორ დაემსგავსა მშობლებისთვის ეს მეტად მტკინვეული პროცესი საქმიან ურთიერთობას, – „თბილისი თაიმსს“ იდეის ავტორი გურამ ცერცვაძე ესაუბრა.
რატომ გადაწყვიტეთ ნუნუ.ჯი-ის დაარსება და რამდენად მომგებიანი ბიზნესია?
– ნუნუ.ჯი-ს დაარსების იდეა გაჩნდა ძიძების სერვისზე გაზრდილი მოთხოვნის და სასურველი კანდიდატურების შერჩევის პრობლემატურობის თანხვედრის გაანალიზების შედეგად. საიტი გავუშვით 2016 წლის მარტში, ამიტომ ბიზნესი მოგებიანი თუ არა ჯერ რთული სათქმელია, რადგან საიტი საპილოტე ფაზაშია და უფასოდ ფუნქციონირებს.
როგორ მუშაობს თქვენი კომპანია, როგორ უკავშირდებიან ერთმანეთს მშობლები და ძიძები?
– პირველ რიგში, მინდა გითხრათ, რომ ნუნუ.ჯი არის საინფომრაციო საიტი – ეს ნიშნავს იმას, რომ ჩვენ არ გვყავს ჩვენი ძიძები, ჩვენ მხოლოდ ინფორმაციას ვაწვდით დაინეტერესებულ მხარეებს.
საიტზე განთავსებულია ძიძების განცხადებები, ამ განცხადებების ფორმატი არის საკმაოდ დეტალური და დაინტერსებულ მშობელს შეუიძლია სხვადასხვა კრიტერიუმით გაფილტროს კანდიდადტები. სასურველი კანდიდატების არჩევის შემდეგ მშობელი აჭერს ღილაკს “კონტაქტი”, მისი მოთხოვნა მოდის ჩვენთან და მშობელს ეგზავნება ამორჩეული ძიძის საკონტაქტო ინფორმაცია სმს-ის და საიტის შიდა მესიჯინგის საშუალებით.
გყავთ, თუ არა კონკურენტები და რა უპირატესობა აქვს ნუნუ.ჯი-ს სხვა მსგავს სერვისებთან შედარებით?
– ალბათ, ჩვენი ყველაზე დიდი კონკურენტები მშობლების ნათესავები არიან, რომლებიც ახლობლობით ურჩევენ მათ ძიძებს. ზოგადად საქართველოს ინტერნეტ სივრცეში ჯერჯერობით ნუნუ.ჯი-ს მსგავსი საიტი არ არის. ჩვენი უპირატესობა ძიძების განცხადების ფორმატში, დეტალიზაციაში და საიტის მოხერხებულობაშია.
როგორც ცნობილია,ქალბატონებთან ერთად ნუნუ.ჯი-ზე მშობლები მამაკაც ძიძებსაც აღმოაჩენენ?
– მართალია, განსაკუთრებული პოპულარობა მოიპოვა ახალგაზრდა მამაკაცმა – პეტრემ, რომელიც რამდენიმე სატელევიზიო შოუს ვარსკვლავიც კი გახდა. თუ არ ვცდები ჩვენს საიტზე დარეგისტრირების შემედგე მან სამსახური ერთ-ერთ საბავშვო ბაღში დაიწყო.
რა დაუჯდება ოჯახს დღეს ძიძის დაქირავება?
– მოგეხსენებათ, ძიძის აყვანა რთული და ხანგრძლივი პროცესია, განსაკუთრებით საქართველოში. მშობლებს უწევთ მრავალი კანდიდატურის განხილვა, რჩევების მოსმენა ნათესავებისგან და ახლობელბისგან, რაც ხშირად დამაბნეველი შეიძლება იყოს. ჩვენი სიატით დაინტერსება საკმაოდ მაღალია და პროცესი დინამიურად მიმიდნარეობს. ძიძებს მუდმივად უკავშირდებიან და იბარებენ გასაუბრებებზე, ითხოვენ მათგან დამატებით ინფორმაციას და უფრო მეტი და მეტი ასეთი გასაუბრება კანდიდატის სამსახურში აყვანით მთავრდება.
ეს იმის მანიშნებელია, რომ სულ მალე ეს მეტად მტკივნეული პროცესი უფრო მეტ ცივილურობას შეიძენს და უფრო მეტად დემსგავსება საქმიან ურთიერთობას. ამ პროცესებთან ერთად კი ნუნუ.ჯი მეტად პოპულარული და საჭირო გახდება. რაც შეეხება ღირებულებას – ფასები მერყეობს იმის მიხედვით თუ რა სერვისს ეძებს მომხმარებელი. სტატისტიკურად, საშუალოდ ძიძის ანაზღაურება 450-დან 800 ლარამდე მერყეობს.
ნათია კეკენაძე