m²-ის მხარდაჭერით ყაზბეგის გამზირზე სკვერი მოეწყობა. m²-ის ინფორმაციით, საბურთალოს რაიონის გამგეობას და დეველოპერულ კომპანიის ”m² უძრავი ქონების“ შორის ურთიერთთანამშრომლობის მემორანდუმი გაფორმდა.
მემორანდუმი მიზნად საბურთალოს რაიონის ტერიტორიაზე, ყაზბეგის გამზირზე №9ა კორპუსის მიმდებარედ მოსახლეობისთვის სკვერის მოწყობას ისახავს.
მემორანდუმს საბურთალოს რაიონის გამგებელმა, ბექა მიქაუტაძემ და კომპანია “m² უძრავი ქონების” გენერალურმა დირექტორმა, ირაკლი ბურდილაძემ მოაწერეს ხელი.
მათივე ინფორმაციით, სკვერში ბავშვებისათვის საქანელები დამონტაჟდება. ძველი სკამები კი ახლით შეიცვლება. სკვერში ასევე მთლიანად შეიცვლება და კეთილმოეწყობა საფარი.
„კომპანია m²-ის მისიაა შექმნას ცხოვრების უკეთესი ხარისხი საქართველოში. ამჯერად საბურთალოზე, ყაზბეგის გამზირის მოსახლეობისთვის შექმნის სივრცეს უკეთესად დასვენებისთვის“, – ნათქვამია ინფორმაციაში.
