მღვდელმონაზონი სერაფიმე როუზი (ეპისკოპოსობაში იუჯინ როუზი), დაიბადა 1934 წელს კალიფორნიაში. იზრდებოდა ტიპიურ ამერიკულ პროტესტანტულ ოჯახში. კოლეჯის დამთავრების შემდეგ, მან ბერკლის უნივერსიტეტში განაგრძო სწავლა, სადაც მიიღო ხელოვნებათა მაგისტრის ხარისხი. მართლმადიდებლობას იგი პირველად 1061 წელს გაეცნო, ჯორდანვილის სასულიერო სემინარის კურსდამთავრებულის, იღუმენი გერმანიის ლექციაზე დასწრებისას. 1963 წელს ინგლისურენოვანი მოსახლეობის მოსაქცევად გადაწყდა შექმნილიყო ძმობა, რომელიც წმინდა გერმანე ალიასკელის სახელს ატარებდა. სერაფიმე როუზი ერთ-ერთი ავტორი იყო ამ მისიონერული ჩანაფიქრისა.
თავდაპირველად ძმობა 1965 წელს საფრანცისკოში დაარსდა. მათ დაიწყეს ჟურნალ „მართლმადიდებლური სიტყვის“ გამოცემა, აგრეთვე გახსნეს ხატებისა და წიგნების მაღაზია, სადაც სერაფიმ როუზი ხშირად იმყოფებოდა, რათა მომსვლელთა შეკიხვებზე ეპასუხა და სულიერად დაემოძღვრა ისინი. 1967 წელს, ძმობამ სამონასტრო ცხოვრებისათვის შესაფერისი ადგილის ძებნა დაიწყო. მრავალი ძიების შემდეგ, ჩრდილოეთ კალიფორნაში ასეთი ადგილი მართლაც მოინახა და გადაწყდა მონასტრის მშენებლობა. 1970 წელს როუზი ბერად აღიკვეცა. მას მთის ფერდობზე პატარა კელია ჰქონდა აშენებული სადაც განმარტოებით ცხოვრებასა და ლოცვით ღვაწლს ეწეოდა. აქ დაწერა მან წიგნები: „მართლმადიდებლობა“; „ მომავლის რელიგია“; „სული სიკვდილის შემდეგ“; ცნობილი წერილი „სამეფო გზა“ და სხვა. აქ ლოცულობდა და ემზადებოდა იგი იმქვეყნიური ცხოვრებისათვის. 1977 წელს, იგი იეროდიაკვნად იქნა ხელდასხმული. მცირე ხნის შემდეგ კი – მღვდელმონაზონად.
მამა სერაფიმესთან ათასობით ადამიანი მოდიოდა სულიერი საზრდოს მისარებად. ასე იხსენებს მას ერთი ახალგაზრდა კაცი, რომელმაც ეს მონასტერი მოინახულა: „ მონასტრის სულიერი მოძღვარი არის მამა სერაფიმე და მრავალი აქ სწორედ მის სანახავდ მოდის. მისი წარსულის შესახებ ვიცით, რომ ის ამერიკელია, სან-ფრანცისკოდან, უაღრესად განათლებულია, დაამთავრა რამოდენიმე უმაღლესი სასწავლებელი და მრავალი რელიგია საკმაოდ ღრმად შეისწავლა. მაგალითად, იუდაიზმს იგი ძველებრაულ ენაზე გაეცნო, კონფიცის მოძღვრებას კი ძველ ჩინურზე. გარდა ამ ენებისა, იგი ინდურსაც ფლობს. ადრე იოგათი და ოკულტიზმით იყო გატაცებული, მაგრამ ერთხელ მართლმადიდებელ ეკლესიაში მოხვედრილა ლიტურღიის შესრულებისას და მოხდა სასწაული, რომელმაც მთლიანად შეცვალა მისი ცხოვრება. სიცოცხლის ბოლო წლებში, იგი თითქოს გრძნობდა აპოკალიფსური დროის მოახლოებას და ხშირად იმეორებდა ხოლმე: „ახლა გაცილებით უფრო გვიანია, ვიდრე თქვენ გგონიათ.“ მამა სერაფიმე როუზი გარდაიცვალა 1982 წლის 2 სექტემბერს.
მასალა ეკუთვნის
იღუმენ მამა გაბრიელ ჯიქიას
