სექსუალური შევიწროვება საქართველოში სერიოზული პრობლემაა, მაგრამ დიდი ხანი ეს იყო ტაბუ. ეს არ არის კანონი,რომელსაც ვიგონებთ, ეს განვითარებული ქვეყნების უმეტესობას აქვს. ზოგს ჰგონია,რომ ადამიანებს ერთმანეთზე ყურება აღარ შეუძლიათ ამ კანონის გამო“ , – სექსუალურ შევიწროვებაზე გამოცემული პეტიციის შესახებ ორგანიზაცია „საფარის“ ხელმძღვანელმა ბაია პატარაიამ „ტვ პირველზე“, გადაცემა „რეაქციას“ეთერში ისაუბრა.
„ჩვენ პეტიციით ვამბობთ,რომ პრობლემა არსებობს და გადაწყვიტეთ. პარლამენტში კანონპროექტი არ შეგვიტანია. კანონი იქნება დაახლოებით ამ ჟღერადობის – ნებისმიერი ქმედება,რომელიც იქნება სექსუალური შინაარსის და არა ისეთი,როცა ექიმი პაციენტს უყურებს. როდესაც მზერა არის არასასურველი, ამას გაცნობებენ და შენ მაინც დაჟინებით აგრძელებ, ასევე მაშინ,როდესაც ეს ქმედება ხდება უკიდურესად გაუსაძლისი და პირს უნდა დახმარება ითხოვოს პატრულისგან,სასამართლოსგან. სექსუალური შევიწროვება სახეზეა,როდესაც ერთი ადამიანი მეორეს იმდენად ცუდ მდგომარეობაში აყენებს,რომ მას მარტო გამკლავება აღარ შეუძლია.
ვინმესთვის ყურადღების მიქცევა, დაკვირვება, საუბრის დროს თვალებში ყურება ხომ არ იკრძალება. მზერა შესაძლოა გადაიქცეს შევიწროვებად,როდესაც ის არის დაჟინებული, ვაგრძნობინებთ ადამიანს, რომ უხერხულად ვართ იმის გამო,როგორც გვიყურებს, მაგრამ ის უგულებელყოფს ამ სურვილს. მზერა ამ შემთხვევაში არის ძალადობრივი,დამამცირებელი. ეს არ არის სისხლის სამართლის დანაშაული, აქ არის საუბარი ადმინისტრაციულ სამართალდარღვევათა კოდექსის მიხედვით,რომ პატრულს შეეძლოს ჯარიმის გამოწერა, თუ მოვა. ფაქტი პატრულმა უნდა დაადგინოს, გამოიძიოს თუ რა მოხდა. სექსუალური შევიწროვება შეიძლება იყოს სამართალდარღვევა და არა დანაშაული“ , – განაცხადა ბაია პატარაიამ.
მანანა ღოღობერიძე
