„ქუჩის ბიჭების“ წევრ ირაკლი ნოზაძის ოპერაცია დასრულდა. ამის შესახებ ჟურნალისტებს ღუდუშაურის სახელობის ეროვნული სამედიცინო ცენტრის ანესთეზიისა და კრიტიკული მედიცინის განყოფილების უფროსმა, ნიკა ქარცივაძემ განუცხადა.
მისივე თქმით, პაციენტის მდგომარეობა სტაბილურია და ის რეანიმაციულ განყოფილებაში გადაჰყავთ.
„გადაგვყავს რეანიმაციაში. მოვახერხეთ სტაბილიზაცია. ჯერ იმყოფება პოსტოპერაციისა და ნარკოზის ქვეშ. გარკვეული პერიოდი ამ მდგომარეობაში დარჩება. მკურნალობა გაგრძელდება რეანიმაციის განყოფილებაში. ამ მომენტისთვის მდგომარეობა სტაბილურია. გაცილებით სტაბილურია, ვიდრე შემოსვლისას იყო, თუმცა ჯერ დასკვნების გაკეთება ნაადრევია“, – განაცხადა ნიკა ქარცივაძემ.
ჯგუფ „ქუჩის ბიჭების“ წევრი, ირაკლი ნოზაძე ცოტა ხნის წინ დიდუბეში დაჭრეს. ნოზაძის დაჭრის ფაქტზე შსს-მ გამოძიება განზრახ მკვლელობის მცდელობის მუხლით დაიწყო.