მსოფლიო ჭიდაობის გაერთიანებულმა ფედერაციამ ასაკობრივ ნომინაციებში წლის საუკეთესო მოჭიდავეები დაასახელა.
23-წლამდელთა შორის UWW-მ 2018 წლის საუკეთესო სპორტსმენად ბერძნულ-რომაული სტილით მოჭიდავე, მძიმეწონოსანი ზვიად პატარიძე დაასახელა.
ქუთაისელი მოჭიდავე ამ ასაკობრივ კატეგორიაში წელს მსოფლიოს ჩემპიონი გახდა, რაც ასაკობრივ ნაკრებებში მისი მეექვსე ტიტულია: 2-ჯერ ჭაბუკებში გახდა პლანეტის უძლიერესი და 3-ჯერ 20-წლამდელებში.
