ორიოდე დღის წინ გავრცელებულმა 12 წლის ბიჭის გარდაცვალების ამბავმა სრულიად საქართველო შეძრა და კიდევ ერთხელ ნათელი გახდა ის რეალობა, რომელიც სინამდვილეში არ ჩანს და რომელზე ლაპარაკსაც თავს ვარიდებთ. პატარას ოჯახი უკიდურეს გაჭირვებაში ცხოვრობდა და მშობლების დასახმარებლად ბავშვი ჯართს ხშირად აგროვებდა. ერთ საბედისწერო დღეს, სწორედ ჯართის მოსაგროვებლად ჩავიდა თხრილში, რა დროსაც მიწა ჩამოიშალა და ბავშვი ქვეშ მოიყოლა. ქაღალდების ქარხნის მიმდებარე ტერიტორიაზე მიმდინარეობს სამშენებლო სამუშაოები და ერთ-ერთ თხრილში იპოვეს მოზარდი. სწორედ ქაღალდების ქარხნის ტერიტორიასთან ჰყავს მოზარდი დაფიქსირებული კამერებს ბოლოს. ასეთია რეალობა რომელიც არ ჩანს, რომელსაც ვერ ვხედავთ ან არ გვინდა რომ დავინახოთ.
ნინი ჭრიკიშვილი