საქართველოს განათლებისა და მენციერების სამინისტროს გადაწყვეტილებით, პროფესიულ კოლეჯებს უმაღლესი სასწავლებლების ბაზაზე ფუნქციონირების შესაძლებლობა მიეცემათ.
თბილისის სახელმწიფო უნივერსიტეტში მედიისა და ტელეხელოვნების საზოგადოებრივი კოლეჯის შექმნის თაობაზე მთავრობის სხდომაზე იმსჯელეს.
კოლეჯი ყველა საფეხურის პროფესიულ საგანმანათლებლო პროგრამას განახორციელებს და მოსამზადებელი ზოგადსაგანმანათლებლო, ქართული ენისა და ლიბერალური განათლების საგანმანათლებლო პროგრამებს უზრუნველყოფს.
,,აღნიშნული საზოგადოებრივი კოლეჯის მიზანი სხვადასხვა დანიშნულების, ჟანრისა და ფორმატის ისეთი მულტიმედია პროდუქციის წარმოება და გავრცელება იქნება, რომლებიც პროფესიული განათლების პოპულარიზაციას და მედიისა და ტელეხელოვნების განვითარებას შეუწყობს ხელს.
ექსპერტთა შეფასებით, უმაღლეს საგანმანათლებლო სივრცეში პროფესიული განათლების მიღების შესაძლებლობა მეტად მიმზიდველი გახდება, რაც პროფესიულ სტუდენტთა რაოდენობას მნიშვნელოვნად გაზრდის“- ნათქვამია სამინისტროს მოერ გავრცელებულ განცახადებაში.
ნინო ზარიძე
