ვლადიმერ პაპავა თბილისის სახელმწიფო უნივერსიტეტის რექტორის თანამდებობიდან გადადგა.
პაპავას ნებაყოფილობითი განცხადება, მისი გადადგომის შესახებ, თსუ-ის აკადემიურმა საბჭომ უკვე დააკმაყოფილა.
ვლადიმერ პაპავა პირველ მაისამდე რჩება თანამდებობაზე, მანამდე კი – რექტორის მოვალეობის შემსრულებელი უნდა შეარჩიონ.
სტუდენტური თვითმმართველობის მოთხოვნა პაპავას უპირობო გადაყენებას წარმოადგენდა, მათი თქმით, რექტორი ვერ ასრულებდა დაკისრებულ მოვალეობებს, რაც ბიუჯეტის არამიზნობრივ ხარჯვაში, სტუდენტების აზრის გაუთვალისწინებლობასა და რიგ დარღვევებში გამოიხატებოდა. გარდა ამისა, სტუდენტების პროტესტი უნივერსიტეტში ე.წ. ოდეერების ყოფნამ გამოიწვია.
გუშინ, საღამოს 7 საათზე, შვიდმა სტუდენტმა რექტორის გადაყენების მოთხოვნით შიმშლობა დაიწყო.
ნატალია ჯალაღონია