ევა ბარბაქაძე უმძიმესი ტკივილებით ისევ იაშვილის კლინიკაში გადაიყვანეს

შორენა ბეგაშვილის შვილის ევა ბარბაქაძის მდგომარეობა გართულდა. ის ცოტა ხნის წინ იაშვილის კლინიკაში ტკივილებით გადაიყვანეს.

ამის შესახებ ინფორმაცია რუსთავი 2-ის თანამშრომელი და ფეიბუკმომხმარებელი სალომე ლილუაშვილი ავრცელებს.

გთავაზობთ განცხადების სრულ ვერსიას:

შორენა ბეგაშვილის შვილი, ევა ბარბაქაძე, უმძიმესი ტკივილებით და ჯანმრთელობის გაუარესებული მდგომარეობით რამდენიმე წუთის წინ ისევ იაშვილის კლინიკაში გადაიყვანეს. ზეგ დილით სასწრაფოდ თურქეთში უნდა გადააფრინონ, რომ ხერხემალზე განმეორებით ჩაუტარდეს ურთულესი ოპერაცია. ძალიან დიდი მადლობა სწრაფი რეაგირებისთვის ავიაკომპანია “ატლასგლობალს”, რომელიც ევას სპეციალურ რეჟიმში გადაფრენას სრულიად უსასყიდლოდ უზრუნველყოფს. ასევე, მადლობა სადაზღვევო კომპანია “ჯიპიაი ჰოლდინგს”, რომელიც ოპერაციისღირებულების 20 პროცენტს დააფინანსებს. გთხოვთ ყველას, შეძლებისდაგვარად იქნებ გაიღოთ თანხა, რომ ბავშვის ჯანმრთელობა დასტაბილურდეს და თურქეთის კლინიკაში ჩაუტარდეს გადაუდებელი ოპერაცია, რომელიც ძალიან ძვირი ღირს. პირველ ეტაპზე, ანუ უახლოეს ორ დღეში, საჭიროა დარჩენილი 35 ათასი დოლარის მობილიზება.
ჩვენ ამას შევძლებთ! უახლოეს პერიოდში გაგაგებინებთ ყველა სიახლეს.