თბილისის სახელმწიფო უნივერსიტეტის რექტორმა, გიორგი შარვაშიძემ ჟურნალისტებს განუცხადა, რომ თსუ მზადაა მიიღოს სტუდენტები, რომელთა უმაღლეს სასწავლებლებსაც ავტორიზაცია შეუჩერდა.
,,თუ უმაღლეს სასწავლებელს სახელმწიფო აკრედიტაცია არ აქვს, ესე იგი, მას არ აქვს შესაბამისი ხარისხი. აკრედიტაცია ევროპული სტანდარტების გათვალისწინებით გამკაცრდა. თბილისის სახელმწიფო უნივერსიტეტი მზადაა მიიღოს სტუდენტები, ჩვენ ღია ვართ ყველასთვის. არც ერთი სტუდენტი არ დარჩება გარეთ. თემაზე კონსულტაციები დიდი ხანია დაწყებულია“ – განაცხადა, გიორგი შარვაშიძემ.
მკითხველს შევახსენებთ, რომ ავტორიზაცია შპს თბილისის სამედიცინო-სასწავლო უნივერსიტეტ „ჰიპოკრატესა“ და შპს „თბილისის საერთაშორისო აკადემიას“ გაუუქმდათ.
ნინო ზარიძე
