თბილისის მერი, კახა კალაძე ტყიბულში, მინდელის შახტაში მომხდარ უბედურ შემთხვევას ეხმიანება.
„შემაძრწუნებელი ტრაგედია მოხდა კვლავ ტყიბულში. ექვსი ადამიანის სიცოცხლე შეიწირა შახტაში მომხდარმა უბედურმა შემთხვევამ. ვუსამძიმრებ გარდაცვლილთა ოჯახებს, მათ ახლობლებს, საქართველოს“, – ნათქვამია კახა კალაძის განცხადებაში.
ტყიბულში, მინდელის შახტაში ტრაგედია დილით, დაახლოებით 4 საათზე მოხდა. შემთხვევის ადგილზე გაემგზავრა დიმიტრი ქუმსიშვილი. დაშავებული მუშეები საავადმყოფოში გადაიყვანეს.
